De Ayətullah Misbah Yəzdi bə rəhmət şe mınosibəti İbrahimoğlu səbəsəlomətə mesaj

Azərbaycan Respublika diniyə cəmiyəti rəis Ayətullah Misbah Yəzdi bə rəhmət şeş cubran nıbə ziyanış zınə.

 Azərbaycan Respublikə dini cəmiyəti rəis Əllamə Ayətullah Misbah Yəzdi bə rəhmət şıeş mınosibəti, əvış ali məğamə fəğih, arif, filəsuf, əxlaği ostad və kərimə ğıruni nımonəş nıbə mofəsirış zınə və votışe: əllamə Mesbah Yəzdi qıləy əmniyət mehvər və mokəmilə estedad be ki, Əllamə Seyed Muhəmməd Huseyn Təbatəbai elmiyə mirasş qıləy məfhominə nəzəriyəş karde.

Im məşhurə azəriyə Ruhani mərhum Mesbah Yəzdiku alimi marde, aləmi mardeku qıləy bəjiyə nımonəş yod karde və votışe: ə yolə şəxsiyət fəlsəfə mənəvi xəzin iyən kəlom və bə əğlaniyəti mehvəri əsos əsəron xəlğ bıkə iyən de erfan və əxlağ zoği zomand bə əsəron ofəyə şəxsiyət be.

Ayətullah Muhəmməd Təği Mesbah Yəzdi, xobreqan Rəhbəri məhəli uzv iyən mərhum İmam Xomeyni təlimi və təhğiğiyə musisə rəis çanə mıddət noxəşi tov varde bəpeştə, cımə əsrə vaxti bə rəhmət şe. əv İslami elmonədə təfsir, fəlsəfə iyən İslamiyə muarifiku veyə əsəronış heste, fəlsəfə təlim ğıronədə əxlağ iyən İslami siyasiyə nəzəriyə men cumlə çəy əsəronkuy.