Osınə ro nəğliyatdə İron və Azərbaycan Respublika həmkoətion inkişaf bəkan.

Azərbaycan Respublikaədə İroni səfir və ım məmləkəti osınə ro devlətiyə şirkəti rəis,osınə ro nəğliyat baxşədə 2 tərəfə həmkoətion barədə vindımon və votımonışon dəvoni.

Azərbaycan Respublikaədə İroni səfir və ım məmləkəti osınə ro devlətiyə şirkəti rəis,osınə ro nəğliyat baxşədə 2 tərəfə həmkoətion barədə vindımon və votımonışon dəvoni.

Bə İRNA xəbon əsosi İroni,Bokuədə bıə səfir sed Əbbas Musəvi cumə ruji de Azərbaycan Respublika osınə ro devlətiyə şirkəti rəis Cavid Ğurbanov osınə ro nəğliyat baxşədə 2 qılə məmləkəti həmkoətion barədə votımonışon dəvoni.

İroni,Bokuədə bıə səfir,Ğərəbağədə Azərbaycan Respublika ozod bə sərzəminon xərobion ovonə kardeyu İronıjə şirkəton hozzı mande iyən ım koədə iştirak kardeyu roziyətiku xəbəş do.

Ğurbanov həm Azərbaycan Respublika nəğliyat zərfiyətonku məlumatış təğdim karde və votışe: yəğin heste 2 qılə məmləkəti həmkoətion ım baxşədə nakonəsə ve inkişaf bıkə.

İroni,Azərbaycan Respublikaədə bıə səfir və ım məmləkəti osınə ro devlətiyə şirkəti rəis eyne holədə nəğliyat baxşədə beynəlxalğə həmkoətion cəhətdə bə şimal-cənub dəhlizi stratejikə əhəmmiyyət və Rəşt-Ostoro osınə ro plani icra karde şərayeti həxədə votımonış dəvoni.