İronədə Sputnik V anti Korona peyvəndiku istifodə karde icozə sadir bıə.

İroni səhiyyə vəziri muavin votışe: İronədə Sputnik V anti Korona vaksiniku istifodə imkon hozzı bıə.

Bə İrna raporti əsos, Kiyanuş Cəhanpur votışe: İroni səhiyyə vəzarətxonə xorək iyən dəvo-damon idarə bayolojik dəmonon soxte iyən idxol karde kamissiya 24-ə iclosi cərəyonədə Rusiyə Qamaliya şirkəti Sputnik V anti Korona peyvəndiku istifodə karde icozə sadir be.

İroni səhiyyə vəziri muavin izhorış karde: çı Hindustan, Çin iyən co kişvəron anti Korona peyvəndon barədə təhğiğon dəvom kardedə ta təsdiğ bey bəpeşt İronədə çəvonku istifodə karde imkon hozzı bıbu.

Çimi bənav İroni səhiyyə vəzir Səid Nəməki həm votəş be ki bo 4 qılə muhimmə şirkətonku bə İron anti Korona vaksini varid karde koon və mutaliə dəvom kardedə.

Jığo ğeyd bıə ki ım şirkəton, Rusiyə, Hindustan və Avropaədə hestin.