Maskva, İrəvon iyən Boku mıştərəkə iclos, Ğərəboğ çı muzakirəon mehvər be.

Maskvaədə bıə Rusiyə, Erməniston iyən Azərbaycan Respublika mıştərəkə 3 tərəfə iclosədə ali rəsmi şəxson Ğərəboği mınoğişə barədə votımon kardışone.

Bə rəsə xəbon əsos, zinə iyən Ğərəboğədə Rusiyə və Tırkiyə mıştərək sulhmərominə mərkəzi ojbemoni bəpeşt bo məntəğə oxonə vəziyəti barədə muzakiron maskvaədə qıləy 3 tərəfi iclos bərpo be.

Bə Tırkiyə Anatoli aqentiyəti raporti əsos, zinə ruji iclos 3 qılə kişvəron i minnə vəziron səthədə bərpo be.

Həminə iclosi barədə çı Rusiyə dıvlə bəyoniyədə ğeyd bıə ki: Rusiyə, Erməniston iyən Azərbaycan Respublika miyono təsdiğ bıə ki bə nəğliyot, reyls, tranzit, sərhəd əmniyət iyən sənitariya məsələon əloğədor bıə kamissiaon iyən koəkə qrupon bəpe ıştə koy bino kon.

Jığo elan bıə ki 3 qılə kişvəri miyono bıə ixtisosi və mıştərək kamissiaon tosə Fevrali 2-ə ruji təşkil iyən çəvon i minnə iclos ın manqi 5 ədə bərpo bəbe.

Ğərəboğədə Azərbaycon Respublika iyən Ermənistoni miyono tojə dıvrə daveon dəvardə sori Sentiyabrə manqi 27 ku bino bıə be ki oxoy sə 2020-ə sori Noyabri 10 Rusiyə, Azərbaycan Respublika iyən Erməniston ım dıvrə canqi səkardeyro qıləy mıştərək sazışi imzo kardışone.

Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.

Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.