Koronavirus İron və Azərbaycan Respublika mıbodiləonədə mane bə ni.

İron və Azərbaycan Respublika mıştərək ticarət palata rəis votışe: İron və Aəzərbaycan Respublika miyono bıə ticari mıbodiləon həto koronavirusi mıddətədə həm dəvomış be və tətil bə ni.

Bə İrna raporti əsos, Huseyn Pirmuəzin ımruj İron və Azərbaycan Respublika miyono bıə ticari fırsıton virtual iclosədə votışe: yeqanə marz ki koronavirusi mıddətədə həm ko har ruj 24 saat ko karde holədə be, İron və Aəzərbaycan Respublika miyono bıə qomruk-terminalon bin.

Əv əlovəş karde: həminə zəmonədə bənə Biləsoar və Ostoroədə ticarəti miğdor hətto mısbət be.

İron və Azərbaycan Respublika mıştərək ticarət palata rəis Ğrəboği ozod bıə ərazi obdon karde planonədə işteraki barədə həm əlovəş karde: ım canqi cərəyonədə 130 kilumetr çı İron və Azərbaycan Respublika miyono bıə sərhəddon ozod be əmmo bə raporton əsəs məntəğədə vironə və xərobiyon vey ziyode ki bəpe de İroni texniki və muhandisi zərfiyətiku həm çəy obdon kardeyro istifodə bıbu.

 Huseyn Pirmuəzin əlovəş karde: de həmkari və muzakiron vositə İron və Azərbaycan Respublika miyono bıə maliyə, bank və nəğliyot sahədə bıə muşkilaton həl bənine.