Boku de İrəvani muzakirə kardeyro hozzıe.

Azərbaycan Respublika prezident Ğərəboği barədə de Ermənistoni sərost muzakirə kardeyro hozzı beyku xəbəş do.

İlahm Əliyev əlovəş karde ki Boku iyən İrəvani miyono sərostə təmas iyən votımon karde bəzıne Ğərəboğədə behroni sə kardeyro çokə fırsət bıbu.

Əliyev təkidış karde: tosə bə ısət, muxtılif muzakirıon ki 2 qılə kişvəri miyono əncom bıə dəvardə sori Noyabrə manqi imzo bıə muğavilə çərçivədə bıə.

Ğərəboğədə Azərbaycon Respublika iyən Ermənistoni miyono tojə dıvrə daveon dəvardə sori Sentiyabrə manqi 27 ku bino bıə be ki oxoy sə 2020-ə sori Noyabri 10 Rusiyə, Azərbaycan Respublika iyən Erməniston ım dıvrə canqi səkardeyro qıləy mıştərək sazışi imzo kardışone.

Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.

Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.