Ermənistoni parlament bə Paşiniyani i minnə vəzirəti dəvomi təkidış karde.

Ermənistoni parlament tosə faxti bənav səçeni dəvoniye bə Paşiniyani i minnə vəzirəti dəvomi təkidış karde.

Novesti aqentiyəti çı Ermənistoni parlamenti rəisi muavini nəğliku elanış karde ki tosə İyoni 20 və faxti bənav səçeni dəvoniye Paşiniyan ijən i minnə vəzirəti vırədə bəmande.

Alen Simoniyan ijən təkidış karde ki hukmən həmonə səçeni dəvoniye bənaviku kişvərədə hərbi komendant şərayet ləğv bəbe.

Dəvardə manqon mıddətədə Ermənistonədə dəvoniyə bıə hevujə eteraz aksiyaon nəhayətədə Paşiniyani icborıç karde ki bə faxtiku bənav parlament səçeni dəvoniye roziş karde.

Ermənion milləti nəzəku i minnə vəzir Nikol Paşiniyan Ğərəboği tojə 44 rujə canqi cərəyonədə bə millət xəyonətış kardə və hol ın ki çəy nəzəku əv 25 həzo Erməni coni nicotış doə.

Ğərəboğədə Azərbaycon Respublika iyən Ermənistoni miyono tojə dıvrə daveon dəvardə sori Sentiyabrə manqi 27 ku bino bıə be ki oxoy sə 2020-ə sori Noyabri 10 Rusiyə, Azərbaycan Respublika iyən Erməniston ım dıvrə canqi səkardeyro qıləy mıştərək sazışi imzo kardışone.