Ermənistoni istefo doə i minnə vəzir de Rusiyə i minnə vəziri vindımonış karde.
Ermənistoni istefo doə i minnə vəzir, elanış karde ki Ğəfğazədə reyls iyən nəğliyot roonədə obdonəkə koon iyən tojə planon ım məntəğə iğtisodi vəziyəti əvəz bəkarde.
Bə İrib raporti əsos, Nikol Paşiniyan de Mixaeiı Mişostin vindemoni cərəyonədə votışe: Ğəfğazədə reyls iyən nəğliyot roonədə obdonəkə koon iyən tojə planon ım məntəğə iğtisodi vəziyət xususi Erməniston və Rusiyə miyono bıə iğtisodi əloğəonədə çokə şərayeti icod bəkay.
Paşiniyan, Rusiyə, Ermənısron iyən Azərbaycan Respublika miyono koəkə mıştərək kamissiya fəaliyəton bə təğdiri loiğ bə hisobış varde və təkidış be ki: ım koon bə nəticə rəse karde bəzne məntəğə kənoədə Fars dıyoku tosə Siyohə dıyo həmkarion inkişofi bois bıbu.
Ğeyd kardənine ki Ğərəboği tojə 44 rujə canqi sə kardeyro imzo bıə muğavilə qıləy baxşədə ğeyd bıə ki bəpe ğəfğaz məntəğədə bıə həmmə reyls iyən nəğliyot roon ki muhasirədən oj və ozod bıbun həmçenin bo tojə planon bə vırə rosniyeyro maneon peqətə bıbun.
