Qenosid bəpe çı Amerkə siyasəton barədə istifodə bıbu.

Tırkiyə prezidenti muavin Amerkə tərəfo Ermənion qenosid faciə rəsmi zıney tənğidış karde.

Bə İrib raporti əsos, Fuad Oktay çı Amerkə ım siyasəti tənğidış karde və əy bo Vaşinqtoniro bənə qıləy yolə səhvə siyasəti bə hisobış varde.

Tırkiyə prezidenti muavin iddioş karde: Amerkə bo ım ğəroli elan kardeyro 2 qılə məsələku soi istifodə karde holədəy, əvvəl ıştə daxıli problemon həlliro və 2 minnə illət həm vaşiqnoti bə beynəl xalğ meydoni dalil karde.

Çimi bənav, Ərdoğan həm bə Amerkə notaş doə be ki jığonə anti Tırkiyə ğərolonku dast bıkəşi, Tırkiyə prezident bə Amerkə tovsiyəş karde ki bəştə rəftori diyə ko.

Ərdoğan votışe: amerkə anti bəşər iyən qenosid rəftoron barədə karde bəbe bə bumion ğətliam iyən İrağ iyən viyetnamədə bıə Amerkə cinoyəton işarəkəmon.

Dəvardə haftə, Amerkə prezident Co Bayden, miladi 1915-ə sorədə bıə anti Erməni hodisəonış ki Osmani Emperia zəmonədə təşkil bıə bənə qenosid faciə yodış karde, və hol ım ki çimi bənav Amerkə hiç qılə prezidenton həminə iborəti istifodə kardeyku imtinon kardedə bin.