Azərbaycan Respublika iyən Ermənistoni sərhəddonədə behroninə vəziyət.
Nəxçivon muxtar Respublika məntəğədə bıə sərhəddiku Azərbaycan Respublika iyən Ermənistoni hərbiçion miyono qullə ğandey barədə bevə raporton muntəşir bıə, məvuji 2 tərəf bə yande tərəf qullə ğandəşone.
Bə Mehr aqentiyəti raporti əsos, Azərbaycan Respublika mudafiyə vəzarətxonə ıştə bəyoniyədə elanış karde ki Erməniyon tojədən Nəxçivonədə bə Heydərabad nomo bıə mikrorayoni tərəf qullə ğandəşone.
Bə həminə raporti əsos, məvuji ın həmlə tələfotış bə ni.
Rusiyə, Azərbaycan Respublika iyən Erməniston dəvardə sori Noyabri 10 Ğərəboğədə canqi səkardeyro qıləy mıştərək sazışi imzo kardışone.
Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon tımas və dave xəttədə sulhi təmin bəkan.
