İroni xarıci vəziri muavin bə Boku səfərış kardə.

İroni xarıci vəziri Asiyə və Okeyaniya muavin qıləy heyəti sədrədə, Kaspi dıyo saheliyə kişvəron iclosədə iştirak kardero, bə Boku varid be.

İbrahim Rəhimpur, Yanvari 24 ədə ijən Boku ayreportədə bə İrna aqentiyəti votışe: Xəzə dıyo sahiliyə kişvəron bə 20 sor neziye ki bo ım dıyo huğuğiyə statusi təyin karde xoto de muzakirə məşğulin və çokə xəbə ıme ki bım dıvrə muzakironədə konvansiyədə ğeyd bıə nuktəon həmmə kişvəron diğğəti cəlbış kardə ijən mandə mıvzon barədə həm ğərole ki muzakirə bıbu.

Rəhimpur votışe, Kaspi dıyo hamsuyə kişvəron, təğribən 5-6 məsələ və mıvzu barədə bə de votımoni məşğalin ijən çı Kaspi dıyo huğuğiyə hissədə həm muzakiron jıqoe ki, həmmə kişvəron mənafe təmin bıbu bə 5 qılə kişvəron aid dəvom pəydo bəkay.

İroni xarıci vəziri muavin çı Boku muzakion mehvər iyən muhimmə baxşonış, moy qəte, dıyoku istifodə karde, dıyo sərhədon məlum karde, ozodə ticarət ijən hərbi və əmniyətiyə bəhs və mıvzuon hisob kardə.

Bokuədə, Xəzər(Kaspi) saheliyə kişvəron iclos ımruj bərpo bəbe.