Əliyev: Erməniston həm bənə İrağ bəbe təhrim əbi.
Azərbaycan Respublika prezident ıştə tojə mısohibədə votışe ki Erməniston həm bənə İraği Səddam hukuməti zəmon bəbe təhrim əbi.
Bə Almaniya ARD kanali elani əsos, İlhom Əliyev həminə mısohibə cərəyonədə ijən Ğərəboği tojə canqədə Tırkiyə kişvər və sionist rejimiku hərbi və silohinə koməkon istifodə kardey təsdiğ kardışe və votışe: Erməniston həm bəpe bənə İraği Səddam hukuməti zəmon ki Kuveytış işğal kardə be rə təhrim əbi, ın ko əqə əncom bıə be ısət Ermənistoni ğıvvon bəpeşo okırniyeyro zəminə hozzı əbi.
Əv ıştə sıhbəton dəvomədə votışe ki Boku vey soron bəbe ki çı israili drononku istifodə kardeydə və hətto əmə 2016 minnə soriku bə Ermənistoni zidd əvoni əməliyoti kardımone.
Azərbaycan Respublika prezident Ğərəboği 2 minnə muharibə bino bey barədə həm iddioş karde ki canq de Ermənistoni xərab karanə və təhrik omizə rəftori bino bıə boçi ki i minnə ğıbon bıə kəson və tələfot çı Azərbaycan Respublika hərbion cəmədə be.
Dəvardə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
