Azərbaycan Respublika tərəfo bə Ermənistoni doə nota.
Harcurnə hərbi əməliyonot dəvoniye barədə Azərbaycan Respublika xarıci vəzir bə Ermənistoni notaş do.
Bə Anadoli raporti əsos, Ceyhun Bayramov Ermənionış bə məsuliyət ğəbul karde dəvətış karde və votışe: əqə Erməniston çı beynəl-xalğ ğanuni əks ihən xətərnok və təhrik omizə koon fikədə bıbu beşək de ciddi reaksiyaon dim bə dim bəbe.
Azərbaycan Respublika xarıci vəzir bə 44 rujə canqi cərəyonədə Azərbaycan Respublika, Rusiyə və Ermənistoni tərəfo sadir bıə mıştərik bəyoniə işarəş karde və bo Ğərəboği iğtisodi bəji kardeyro təkidış karde: 3 tərəfi bəyoniyə imzo beyku 1 sor dəvardeydə əmmo Ermənistoni beğanunə rəftoron bois bıə ki ın muğavilə vey baxşon hələ həm icra nıbun.
Dəvardə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
