Azərbaycan Respublika hərbi koşınas: Ermənistoni dıvlət çı Zənqəzur karidori okardey vədə mane bıdə.
Azərbaycan Respublika hərbi koşınas çı Ermənistoni hakim partiya yolonış Zənqəzur karidori okardey vədə mane bə hisobış varde.
Bə Həğayeğ Az sayti raporti əsos, Tərlan Eyvəzov votışe: Noyabrə manqi təvafuği imzo beyku tosə bə ısət, Ermənistoni i minnə vəzir Nikol Paşiniyan de Zənqəzur karidori okardey muxalifətış kardə.
Çimi bənav, Ermənistoni milli əmniyət şura sərkatib Armen Qiriquriyan bəyonış kardə be ki ın kişvərədə mıstəğil karidoron ni və Tırkiyə iyən Azərbaycan Respublika karde bəznın çı Ermənistoni nəzorəti jintonədə bıə roonku istifodə kon.
Dəvardə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
