Bokuədə Xanım Həzrəte Zəhra(s) şəhodəti matəmə mərosimon.
De Xanım Həzrəte Fateməye Zəhra(s) iyən İroni Sepahe Ğuds təşkiloti nakonə fərmondə qeneral Ğasim Suleymani şəhodətə rujon həmzəman Bokuədə məxsus mərosimon dəvoniyə bəy.
Bə İrna raporti əsos, həminə mərosimədə İroni rəsmi şəxson, Azərbaycan Respublikaədə bıə İroni şahrvandon iyən Əhli-Beyte ismət və təhorət(ə)-i aşiğon iştirok kardə bin.
Mərosimədə ruhani Mir Cəfər Əyyubov bə Həzrəte Zəhrə(s) vırə və məğomi işorə kardə sıxanonədə votışe: Həzrəte Zəhra(s) barzə şəxsiyət anədə yole ki de veyə icloson dəvoniye ya xod veyə kitobon nıvışte çı Həzrəti əzəməti komil surəti vəsf karde nibəbe.
Əv təkidış karde: ın miyonədə yolə şəxsiyətoni bənə Hac Ğasim Suleymani vey dırıst və çok çı 2 qılə aləmi Xanım, Həzrəte Zəhra(s) kəroməti dərk kardışone.
Bokuədə bıə İroni səforətxonə mədəni koon yol Ğurbanəli Purmərcan həm ın mərosimədə votışe: Həzrəte Zəhra(s) 1400 sor bənav əv həm caheliyət zəmonədə jimon kardedə be əmmo çəy jimoni siyə ısət və bo 21 minnə ğərni jenon bənə simvole.
Bokuədə bıə İroni səfir Seyd Əbbos Musəvi həm de şəhid Hac Ğasim Suleymani yodi əziz qətey ıştə sıhbətonədə votışe: ə yolə sərdor həmmişə de Həzrəte Zəhra(s) nomi yod kardey vositə bə təkfirion iyən sioniston zdd bıə cəhbəonədə islomi ummətiro barzə muvəffəğiyəton kəsb kardedə be.
