İron və Azərbaycan miyono iğtisodi mıbodiləon vey bəbe.

Azərbaycan Respublikaədə bıə İroni səfir Tehron-Boku miyono bıə iğtisodi-ticori əloğəon inkişofiku xəbəş do.

Bə İrna raporti əsos, Sey Əbbas Musəvi zinə çı İroni9 bilə sovar qomrok iyən sərhəd terminoliku diyə karde cərəyonədə əlovəş karde: İron iyən Azərbaycan Respublika miyono bıə ticori mıbodiləon miğdor 400 milyon dollari səthədəy əmmo jığo proqonoz bıdə ki tosə omə 2 sori mıddət ın miğdori bə 1 milyord dollar rosne bəznımon.

Azərbaycan Respublikaədə bıə İroni səfir bə ticorət iyən iğtisod sahədə siyosəton kəşe və inkişof planon işorəş karde və votışe: Ərdəbil və Biləsovar Tehron-Boku miyono bıə siyosi-iğtisodi rabitəon inkişofədə vey barzə vırə xıvandin.

Əv bə dəvardə manqonədə bıə şe-ome prossesədə Korona məhdudiyəton işorəş karde və təkidış be ki: 2 qilə kişvəri omə miştərik iclosədə sərhəddonku musafir, tacir və turiston şe-ome normal bey barədə ğərolon təiin bəbe.