İronədə bıə Ermənistoni səfir de İroni enerji vəziri vindemonış karde.

İronədə bıə Ermənistoni səfir Tehronədə de İroni enerji vəziri vindemon iyən 2 qılə kişvəri miyono bıə ticori-iğtisodi 17 minnə dıvrə mıştərik kamissiya iclosi dəvoniye barədə sıhbət kardışone.

Bə İroni Telerədio raporti əsos, Əliəkbər Mehrobiyon və Arsen Avakiyani miyono muzakirəon veyni məntəğə təhəvvolaton jiədə İron-Ermənistoni miyono ticari həmkarion dəvomi barədə be.

İronədə bıə Ermənistoni səfir ki tojədən ıştə kooş bino kardə de  de İroni enerji vəziri vindemoni kənoədə bə Tehron-İrəvoni miyono enerji sahədə bıə həmkarion həm işarə kardışone.

İron əcumlə kişvəronin ki bə Erməniston bərğ və ruşinə ovoştoneydə.