Stansiya soxte sahədə İron və Tacikıstoni miyono həmkarion.
İroni enerji vəzir stansiya soxte baxşədə İron və Tacikıstoni miyono həmkarionku xəbəş do.
Bə İrib raporti əsos, İroni enerji vəzir Əliəkbər Mehrobiyan de Tacikistoni Enerji vəziri vindemoni cərəyonədə votışe: de məntəğə iyən hamsuyə kişvəron həmkarion inkişof doe çərçivədə İroni tərəfo bə tacikistoni diğğət doe ısət dıvləti tərəfo bənə əsosi məsələ təğib kardeydə.
Mehrabiyon əlovəş karde: İron və Tacikistoni prezidenton tərəfo tojədən bə 2 qılə kişvəri miyono əloğəon inkişofi təkid bıə, çən iğtisod və ticorətədə bə həmkarion inkişof doə xoto sori əvvəliku Tehron-Doşənbə miyono ticorəti miğdor vey bıə.
İroni enerji vəzir əlovəş karde ki texniki iyən muhəndesi baxşədə 2 qılə kişvəri miyono bo həmkarionro vey zəminəon mıvcudin ki çəvonku bə ov iyən ruşinə stansiyaon soxte işorə karde bəbe.
