Pokiston Ğəzzə tanqədə bə təcili otəşvəsi təkidış kardə
Pokistoni xarıci koon vəzorətxonə sıxənəvot, Ğəzzə tanqədə otəşvəsi icod kardey və ım məntəğə sionist rejimi ləşkəri həmləon vəy qətey tələbış kardə.
Zinə Ğəzzə tanqədə Fələstini səhiyyə vəzorətxonə, bə Ğəzzə tanqə sakinon ələyh sionist rejimi ləşkəri canqi əvvəliku tosə ısət, şəhidon miğdori 37 həzo 834 nəfər elonış kardə.
İjən həminə elonış kardə ki həminə mıddətədə 86 həzo 858 nəfər həm bə sionist rejimi həmləon xoto zəxmin bin.
Im qıləy holədəy ki Fələstini mnbəon elon kardışone ki həmçınan vey Fələstinıjon ki bə sionist rejimi həmləon xoto şəhid bin, xərobəon jiədən.
Bə Ğəzzə tanqə israili tuməbırnə rejimi dəhşətinə həmləon ki de beynəlxalğ və qlobal etırozon və muxalifəton dim bə dime ijən dəvomış heste.
Bə İrna raporti əsos, Pokistoni xarıci vəzorətxonə sıxənəvot, Ğəzzə tanqə şimoli Beyt Lahiyaədə bə molki şəxson sionist rejimi həmləon məhkumış kardə və votışe: bəpe Fələstini milləti ğətliam vəy qəte və Ğəzzə tanqədə otəşvəs icod bıbu.
