Azərbaycan Respublikaədə Ğədrə şəvi mərosimon.

De Rujəmo 19 minnə şəvi həmzəmon Azərbaycan Respublikaədə həm Ğədrə şəvi mərosimon bərpo be.

Azərbaycan Respublika millət həm de dınyo mısılmonon bə ico, məşiton və imomzodəonədə muxtəlif dıvoon zomzomə kardışone.

Bə İRİB raporti əsos, Azərbaycan Respublikaədə mıslmonə millət həminə şəvədə dıvo handışone, Kərimə Ğıroni bə sə noşone iyən de Xıdo dərqahədə tələb dasti rost kardey ıştə dıli bə imoni nuri səmt bardışone ki Xıdolima əməni bıbaxş.

Cəmaət ijən de Mubarək Rəməzonə manqi 19 minnə şəvi həmzəman şiəyon iminnə İmom Həzrəte Əli(ə)-i matəmədə həm əzo arsi rukardışone və mərosimon ğolibədə bə sə iyən sinə jəşone.

Rujə manqi 19 minə səhərədə Xəvaric qrupiku İbne Mulcəm Muradi zəmoni ki İmom Əli(ə) Kufə məçitədə nımoj vote holədə be dıştə zəhrinə şımşi bə ə Həzrəti mıborəkə sə anədə de şiddəti zərbəş jə ki oxoy sə şiəyon i minə İmom 2 ruj bəpeştə yəni rəməzanə manqi 21, kədə şəhid be.

Bə rəvayəton əsos mubarək rujə manqi 19, 21 və 23-nə şəvon həmonə Ğədrə şəvonku iborəte ki mısılmonon de şəvədə oğo mande, Ğıroni bə sə noe, dıvo hande, Coşən Kəbir nomo məxsusə dıvo ğiroət karde deştə Pərvərdıqori bə raz-niyaz və mınocat karde məşğul bıdən.

Ğədrə şəv qıləy şəve ki 1 sori mıddətədə çəy vədə fəzilətinə şəv peydo nibəbe, anədə ki ım şəvədə ibodət karde bənə 1000 manqədə bıə ibodət ğeyd bıə və həmonə şəvədə insonii təğdir iyən tale mıəyyən bəbe.