Boku Fatimeyi Zəhra məçitədə Əhya Şəv dəvuniəşone

Boku şəhəri məçitonədə Rəməzonə manqi 18 –də Əhya Şəv dəvuniəşone

“Sputnik Azərbaycan” sayti Fatimeyi- Zəhra məçitədə dəvardə ım fəzilətinə şəvi barədə foto-reportaj, həmən Moskvadə Heydər Əliyev fondi tərəfo de Moskva Mısılmonon Ruhani İdarə dastəki iftorə sufrə təşkil bıe barədə məlumat bəştə əhandon təğdim kardəşe.

Im tədbirədə “Zəkat” Xeyriyyə fondi sər direktor Rifat İsmayılov, Heydər Əliyev fondi şebə mudir Tamilla Əhmədova, Moskva mısılmonə dini məktəbi direktor Ənəs Həzrət Məmmədov və həniən co natiğon votemon ehandəşone, votəşone ki, islami dini molyəton çe Azərbaycani xalği milli mənəviyyati tərkib hissəy, Az.R həmə dınyoədə multikulturalizmi mərkəz hisob bedə, ım iftorə sufrə tədbirədə iştirak kardəkəson həmən de Azərbaycani mədəniyyəti , de çey mətbəxi oşno bedən.

Tədbirədə Azərbaycanədə multikulturalizmi təsvir kardə filmən numayiş kardəşone.

Boku hokumət de ım cur tədbiron ıştəni bə dini bənə tolerant devləti bə dınyo təğdim karde pidəşe. Əmo təəssuf bıbo ki, əv keşvəri daxilədə bə dini adət-ənənə və ayinon icra karde səpe xeyli ğədəğə və məhdudiyyəton noəşe. Bımi bənə əyani misali Ğəzax şəhərədə  Fatimeyi-Zəhra məçiti fəaliyyəti ğədəğən karde nişon doe bəznemon. Dindaron həmonə məcitədə Əhya Şəvi mərasim dəvunie cəhd kardəşone, əmo şəhəri polison bəvon imkan doəşon ni. Və ya Məştəğə ğəsəbə məçitonədən polison bə əhali Əhya Şəv mərasimi dəvunie ğədəğən kardəşone

Tolışon kompakt   jimon kardə cənub rayononədən Əhya Şəv  mərasimi dəvunie səpe məhdudiyyət noəşone. Har məntəğə məsitonədə tosə şanqo saat 1 təmomi mərasim icazənin bıə, çəyo polison omən əhalişon məcbur kardə ki,  məçiton tərk bıkardon.

Kali dini fəalonən votedən ki, ım cur məhdudiyyət iqlə tolışə məntəğəonədə tətbiğ bedə, keşvəri co rayononədə, məxsusən sələfi çərəyani mevcud bıə vıronədə dindaron ım mərasim azad və ğeyri-məhdud dəvunie imkan hestışone.

İbrimi Zahirəddin, çe Rusiya Yekaterinburğ şəhəriku, İİR sədo, tolışi radio.