Azərbaycan Respublikaədə Ğuds beynəlxalğə ruji mərosim.
Ğuds beynəlxalğə ruji məxsusə mərosim de rujə əqətə muminon iştiroki Azərbaycan Respublika paytəxtədə bərpo be.
Bə İRİB raporti əsos, ın mərosim Bukoədə de İroni səforətxonə mədəni mərkəzi nımoyəndə iştiroki bərpo be.
İştirokəkəyon bə Fələstinədə bıə sionist rejimi xəbisə plan-cinoyəton işorə karde holədə təkidışon be ki Fələstini nicot doe de mısılmonon vəhdəti əncom bənine.
Azərbaycan Respublika məşhurə ruhani Mir Cəfər Əyyobov ın mərosimədə bə mısılmonon miyono sionist rejimi təfrəğə icod kardə planon işorəş karde iyən təkidış be: dışmon pidəşe de jığonə hərəkəton bəştə hədəfi bırəsi əmmo bəsirətinə milləton bəpe huşin bımandon ta fitnəonədə qiriftor nıbun.
1358 minnə sorədə, İroni islamiyə nizomi yolə memor, Həzrəte İmom Xomeyni(r), bə dınyo həmmə mısılmonon vığandə qıləy mesajədə Rəməzan mıborəkə manqi oxonə cımə ruji bənə Ğuds beynəl xalğə ruji nom noşe.
Im tədbiriku hədəfi, Fələstini sıtəm vində məzlumə millətiku himoydorəti, Sionist be ğanunə rejimi cinoyəton iyən təhdidon vədə Ğuds intifozə zumandəti, bə ın rejimi ələyh cəhbə təşkil doey, israili məhv kardero lozimə zəminəon icod kardey iyən bə məzlumə Fələstinıjon komək kardeyro mısılmonə milləton vəhdət elan bıə.
