Az.R-ədə Ğida Əmniyyəti Reyestr tərtib bəkarden

Az.R Parlamenti “Ğida əmniyyəti həxədə” ğanun ğəbul kardəşe. Milli Məclisi Ağrar komitə sədr Tahir Rzayevi izah kardəşe ki, ım ğanun insonon saleməti mudafiə karde ro bə ğida və yomyə məhsulon tərkibi nəzarət kardə munasibəton tənzim bəkarde. Bımi ro perosniə məhsulon və heyvonon “hiyku tosə sufrə” vəsilonədə ğida əmniyyət təmin bənine

Respublika Mass-mediadə daima ərzaği keyfiyyəti saru bıe barədə şikayəton dərc bedə, məsələn, jıqo qıley pars daima bə meydon beşedə ki, kolbasa çe qujdo istehsal bedəbu, bəs boçi 1 kilo kolbasa çe 1 kilo qujdisə erjone? Dəvardə rujonədə “Sputnik Azərbaycan”ən bənə bımi qıley co pars bə meydon noşe: 1kilo sesəkə ruən istehsal karde ro 20-25 litr şıt sərf bənine. Bəs 12 mənotinə ruəni nom çiçe? Çəyoən məğalə muəllif izah kardedə ki, məvotbən, jəqo ruənon de palma ruəni umjəni istehsal bedə və ey de sesəkə ruəni nomi həvatedən. Hiçən təsaduf niki, 2021-minə sori çe İndoneziya və Malayziyaku bə məmləkət 50 həzo ton palma ruən idxal bıə ki, ımən bə dəvardə soron nisbətədə çand kərə veye.

 “Ğida əmniyyəti həxədə” ğanun həmən Respublikadə  Ğida  əmniyyəti Reyestri tərtib karde nəzərədə qətedə. Gida istehsali prosesədə işrirak kardə, çey emali bə jimon dəvuniə obyekton bəpe bə ım siyahi daxil bıbon. Im obyekton barədə məlumatonən muvafiğ internet səhifədə bo çəmiyyəti oşko vəziyyətədə bəbe.

 “Ğida Əmniyyəti həxədə” ğanun bə ğıvvə peşə bəpeş “Hardəyə məhsulon həxədə” ğanın çe ğıvvə ebəqınie, ləğv bəbe.

İbrimi Zahirəddin, çe Rusiya Yekaterinburğ şəhəriku, İİR sədo, tolışi radio.