İroni prezident Azərbaycan Respublika istiğlol ruji təbrik votışe.

İroni prezident de qıləy məxsus mesaji vositə Azərbaycan Respublika istiğlol ruji tıbrik votışe.

Bə prezident aparati məlumat ərosnə mərkəzi raporti əsos, İroni prezident Seyd İbrohim Rəisi ımruj de qıləy məxsus mesaji vositə Azərbaycan Respublika istiğlol ruji tıbrik votışe və İroni xarıci siyasətədə bə ın kişvəri vırə işorə karde holədə təkidış be ki: İron İslam Respublika hamsuyəti prinsipon çərçivədə bə de Boku dıvləti əloğəon inkişofi fik kardeydə.

Rəisi bə 2 qılə kişvəri miyono bıə mıştərəkə məzhəb, torix iyən nığılə əloğəon işorəş karde və əy tojə dıvrədə həmkarion inkişofiro bənə mehvər zınəş be və votışe: bə həminə əloğəon əsos, İron islam Respublika həmmişə çı Azərbaycan Respublika istiğloli bəpeşt mıtəğobil mənafe çərçivədə həmmətərəfinə  əloğəon inkişofi royədə cəhdış kardə.

İroni prezident bə Azərbaycan Respublika işğal bıə ərazi ozodəti fırsəti işarəş karde ki bo 2 qılə millət və dıvləti miyono həmkarion tojə zərfiyət iyən fırsəton icodış kardə, Rəisi umidəvo mande ki mıvcudə zərfiyəton bə 2 qılə kişvəri mənafe əsos tam istifodə bıbu.