Azərbaycan Respublika məşhurə ruhani vəşiyanəti aksiya.

Bə Boku hukuməti əmniyəti qıvvon bevəcə rəftoron eteroz kardey xoto xəbə omə ki Azərbaycan Respublika mısılmonon i bemon hərəkati məhbusə lider vəşiyanəti aksiyaş bino kardə.

Azərbaycan Respublika hukumətədə laik və sekolar prinsipon təsdiğ bey çərçivədə bə dini muğəddəsə çion ihonət və be ehteroməti bənə cinoyət ni və tovhinəkəyon ıştə ın rəftorədə ozodin.

Bandotteli məmuron tojədən çı məhbusə islamçion stintiğ cərəyonədə bə Xıdovənde xalıği sahət və vırə be ehtıromətəti kardey çərçivədə dıjmoniku istifodə kardışone ki Azərbaycan Respublika milləti norohəti iyən ğəyzi bois bıə.

Bə Təsnim aqentiyəti raporti əsos, Azərbaycan Respublika məşhurə ruhani iyən ın kişvəri mısılmonon i bemon hərəkati lider həm dıştə vəşiyanəti aksiya vositə çı Bandotteli məmuron cəzo doe tələbış karde.

Əv ıştə ın vəşiyanəti aksiya nomi aksiya tosə şəhodət nom noəşe və elanış kardə ki tosə be ehtıromətiəkə amilon cəzo doe bəştə vəşiyanəti aksiya dəvom bədoy.

Xəbə omə ki de ın aksiya həmzəman, bəzi co məhbusə dindorə islamçion həm ın koy bino kardəşone.