İron iyən Azərbaycan Respublika ruşnə iyən elekterik baxşədə rabitəon vey muhimmə bərnoməonin.

İron İslam Respublika enerji vəzir, bə İroni elekterik sistemi zumandətion iyən zərfiyətonn işorə və təkıdış karde: İron iyən Azərbaycan Respublika elekterik sistemon(həmzəman surəti) rabitəon icod kardey, həmkari cəhəto 2 qılə kişvəri vey muhimmə bərnoməonin.

İroni enerji vəzir de ım hədəf bə Buko varid bıə ki İron, Buko və Rusiyə kişvərəron miyono ruşnə şəbəkə bə inkişof rosniyeədəe de Azərbaycan Respublika həmkari ko.

Bə ğıvvon vəzarətxonə raporti əsos, zinə İroni enerji vəzir, Əli Əkbər Mehrabiyan de Azərbaycan Respublika i minnə vəziri muvin Şahin Mustəfayev vindemonədə votışe: ruşnə şəbəkə (həmzəman surət) rabitəon icod kardey, bois bəbe 2 qılə kişvər ruşnə həmkarion zərfiyətiku mukzimum surət istifodə bıbu.

İroni enerji vəzir ijən əlovəş do: İroni səmtiku Azərbaycan Respublika ruşnə ovoştoniye bə Tırkiyə və Avropa, ijən İron və Rusiyə ruşnə şəbəkə (həmzəman surət) rabitəon icod kardey karde bəzne ım həmkarion nəticə bıbu.

Mehrabiyan həmçınin votışe: ğərbi kişvəron həmmə cəhdışon heste ım rabitəon əhəmiyyəti kam kon, qıləy holədə ki məntəğədə həminə enerji təhəvulaton vey təsirin iyən dıroz mıddət bəbe.

İroni enerji vəzir ijən əlovəş do: İron, Rusiyə və Azərbaycan Respublika ruşnə şəbəkə (həmzəman surət) rabitəon icod kardey, mıtoliə kardey holədəy, həmçınin İron və Tırkiyə miyono həm vey çokə xətton icod bıə və de ım kişvər həm vey çokə mıbodiləon əncon domone ki ım royku bə Avropa ruşnə sistem rabitə icod bəbe.

Im vindemonədə, Azərbaycan Respublika i minnə muavin həm bə 2 qılə kişvəri prezidenton vindemon iyən bə 2 tərəf rabitəon bə inkişof rosniye əhəmiyyət işorəş karde iyən votışe : tojədən bə İroni səmti səfəron həminə cəhətədə əncom bıə be və holi hazırədə dəvardə manqon muğaisədə 2 qılə kişvəri rabitəon hevuj həm bıə.

Mustəfayev ijən əlovəş do: Azərbaycan Respublikaro ov iyən ruşnə baxşədə həmkarion vey muhimme və çəmə kişvər ım baxşədə bə həmkarion hevujəti təkidış heste.