İron iyən Tırkiyə miyono əloğəon bə inkişofi tərəf şedə.
Tırkiyədə bıə İroni səfir votışe: dəvardə sori mıddətədə İron iyən Tırkiyə miyono bıə ticorəti miğdor vey bə inkişof rəsə ki bə təiin bıə səthi rəse holədəy.
Muhəmməd Fərazmənd bə İrna Aqentiyəti votışe: Korona pandemiya iyən Ameka anti İron sanksiyaonku bənav İron-Tırkiyə miyono ticarəti miğdor bə 20 milyard dollar rəsedə be ki nati vojoriku İroni bəkəno noe bəpeşt dəvardə 2 sori mıddətədə ın miğdor vey kam bıə.
Əv bə dəvardə sorədə bıə İron iyən Tırkiyə miyono ticorəti miğdori ziyod beyku xəbəş do və təkidış be ki de nati ijən bə Tırkiyə həvotey 2 tərəfə yicorəti miğdor ijən bə nakonə səthi obərəse.
De bə İron Rəcəb Təyyeb Ərdoğani səfəri həmzəman, İron-Tırkiyə əloğəon ali şura 7 minnə iclos bərpo bəbe və 2 tərəfi həmkarion sənədon ko, nizomi-intizomi və iştimaii əloğə və zəminəonədə imzo bəbe.
Jığo elan bıə ki media sahədə həm çı Tırkiyə dıvləti mediaon iyən İroni telerədio miyono həmkari sənədon imzo bəbe.
Tehronədə de Rusiyə, İron iyən Tırkiyə prezidenton iştiroki Suriyə bıhroni həlliro Astanə nomo iclosi 7 minnə dıvrə bərpo bəbe.
