Bokuədə bıə İroni səfir: Azərbaycan Respublika sərzəmin bə İroni ələyh xəbisə planon əncom doe vırə ni.

Bokuədə bıə İroni səfir votışe: Azərbaycan Respublika sərzəmin bə İroni ələyh xəbisə planon əncom doə vırə ni.

Bukuədə sionist rejimi səfir, ıştə tvitter səhifədə, qıləy şikili muntəşirış karde ki çəy dastədə qıləy kitobe iyən nıvıştəşe: “ım yolə kitobədə ki tojədən bə mın doə bəy, az Təbrizədə Azərbaycani mədəniyət və torixi barədə vey mətləbon umutəme, şımə ım rujon çiç handeydon?”

Həminə cəhətədə cımə rujədə, Azərbaycan Respublikaədə bıə İroni səfir, Sed Əbbas Musəvi, de İRİB raporti ixtisosiyə mısohibədə bə İron və Azərbaycan Respublika ələyh tojə şəytoniyə hərəkəton işorəş karde iyən votışe: həmmə zıneydəmon ki həm məntəğə və həm beynəlxalğədə kali dıvləton və rejimon de hamsuyəon xususi İron və Azərbaycan Respublika miyono qam iyən bıvə rabitəon mıxolifin, əvon ıştə manafe, 2 qılə bıvə iyən mısılmonə hamsuyə kişvəri miyono daimə daveonədə zıneydən.

Musəvi bə ım nuktə işorəş karde ki İron və Azərbaycan Respublika milləton miyono məhəbbətinə rabitəon mıvcude, və ım məsələ kalion əcumlə sionist rejimi amilonro xoşomey bois ni, əv ijən əlovəş do: İron və Azərbaycan Respublika həmişə bəştə milli hakımiyət və ərazi təmamiyyəti ehtırom noəşone.

Azərbaycan Respublikaədə bıə İroni səfir, bə Bukoədə sionist rejimi səfiri fitnəkorə Tvitteri işorəş karde iyən əlovəş do: Azərbaycan Respublika sərzəmin, bə İroni ələyh xəbisə planon və şəytoniyə hərəkəton vırə ni, əmə ım mıvzo çand kərə bə sionist rejimi  nota doəmone.