Azərbaycan Respublikaədə bıə İroni səfir: Tehron-Boku əloğəonədə problem eğandə tərəfon xəbisə plan məğlub bəbe.

Azərbaycan Respublikaədə bıə İroni səfir təkidış karde: 2 qılə kişvəri miyono əloğəon qam və nığıl bey həmzəman bəzion de təhrikomizə hərəkəton və xəbisə planon həmkoətionədə bıhron icod kardıdən ki har kərə çəvon ın koon de məğlubiyəti dim bə dim bıdə.

İron və Azərbaycan Respublikaədə rəsmi şəxson tojə manqonədə vey kərə de yande vindemon kardəşone.

İroni Tojə dıvlət de hamsuyə kişvəron əcumlə Ğəfğaz iyən mərkəzi asiyaədə bıə kişvəron ıştə həmkari və əloğəon inkişof doış pidə.

Bə isna aqentiyəti raporti əsos, Azərbaycan Respublikaədə bıə İroni səfir seyd Əbbos Musəvi tojədən votışe: İron və Azərbaycan Respublikaədə bənə 2 qılə bıvə, mısılmon iyən dustə kişvəri hejo yandeku rozin və bə yande ehtırom nodən.

Musəvi və Tehron-Boku rəsmi şəxson miyono vindemon və muzakiron işorəş karde və əy bənə həmkarion inkişofi zəminə və nımonə zınəş be.

Azərbaycan Respublikaədə bıə İroni səfir ijən bə sionist rejimi tojə mıdoxilə əkə təhrikomizə Tüitteri işorəş karde və təkidış be: sioniston co kişvəron koonədə mıdoxilə kardən iyən fitnə və təfrəğə eğandeyro bə cəhdin iyən plan kəşedən.