Bokuədə, Muhərrəmə maniq əzodorəti mərosimon bərpo bey.
Bokuədə məskun bıə İronıjonku kali, Azərbaycan Respublikaədə, İroni səfarətxonə mədəni baxşədə de iştiroki vositə, Həzrəte İmom Huseyn(ə)-i şəhodəti matədə əzodori kardən iyən bəştə sinə jeydən.
Zinə Hicri Ğəməri 1444 minnə sori, muhərrəmə manqi 5 minnə ruj be, və har sor Azərbaycan Respublika millət bənə dınyo həmmə mısılmonon, dınyo şiəyon 3 minnə İmom, İmom Huseyn(ə) və muhərrəmə manqi əzorori mərosimon bərpo kardedən.
Bə İRİB raporti əsos, Muhərrəmə manqi 5 minnə şəvədə, Azərbaycan Respublika paytəxt, Bokuədə, şiəyon iyən Əhle Beyt(ə)-i aşiğon, de rozə handey və əzodorəti vositə, bə İmom Huseyn(ə) iyən çəy bəfodorə əshabon şəhodəti matəmədə bəmedən.
Im rujonədə, Azərbaycan Respublikaədə şiəyon iyən Əhle Beyt(ə)-i aşiğon, Kərbəlo kərvonədə iştirok kardey pidəşone.
İmom Huseyn(ə) dınyo şiəyon 3minnə İmome ki Hicri Ğəməri 61 minnə sori Məhərrəmə manqi 10 minnə rujədə, Kərbəloədə şəhid bıə, və Kərbəloədə deştə mislış nıbıə fidokorəti vositə, bə həmmə dınyo ozodəti və izzəti dərs umutəşe.
Kərbəlo hodisədə, İmom Huseyn(ə) ğoymə surətədə təkidış kardə be: "çımı hədəf, anti islami hukuməti beabru iyən əmre be məerof və nəhye əz munkəri bərpo və zılm iyən sıtəmi vədə muğavimət kardeye."
Həzrəte İmom Huseyn(ə)-i hərəkəti dərson, bə həmmə dınyo iyən bəşəriyəti tarix və coqrafiya məxsuse və hiç vaxt karde nibəzne ım hərəkəti məhdud kəmon.
