De Azərbaycan Respublika İroni nəğliyot rabitəon bə inkişof bərəse.
Azərbaycan Respublikaədə bıə İroni səfir İron və Azərbaycan Respublika miyono nəğliyoti rabitəon bə inkişof rəseyku xəbəş do.
Azərbaycan Respublika İroni hamsoyə kişvəronku qıləyni bə hisob omeydə ki dəvardə soronədə, və muxtəlifə baxşonədə de İron həmkoətion hevujəti tələbış be.
Miladi 2021 minnə sori Noyabrə manqi 28 minnə rujədə İşğabadədə EKO iclosi kənoədə, İron və Azərbaycan Respublika prezidenton vindemoniku bəpeşt, 2 qılə kişvəri rabitəon vey rə əlovə bey holədəy.
Jeopolotic həğiğəton iyən rabitə icodəkə amilon bənə hamsuyəti, məzhəbi və torixi mıştərik cəmiyət iyən iğtisodi və əmniyyəti mıştərəkə mənafe bois bəbe, ki 2tərəfi, məntəğə, həmkari iyən həmohənqi rabitəonədə, İron və Azərbaycan Respublika bənə 2 qılə hamsuyə kişvər bıbun ki məntəğədə əmniyyət və stabiləti və 2 qılə milləti mənafe cəhətədə, deyande nez iyən təsirinə həmohənqi və həmkoətişon bıbu.
Bə Fars aqentiyəti raporti əsos, Azərbaycan Respublikaədə bıə İroni səfir Sed Əbbas Musəvi işorəş karde ki 2 qılə kişvəri nəğliyot rabitəon bə inkişof rəsey holədəy ijən əlovəş karde: 30 sor bəbe ki Azərbaycan Respublika İroni ərazi royku, de Nəxcəvani mıstəğilə Respublika rabitə bərğərorış kardedə.
İroni Im diplomat ijən əlovəş karde: bə co kişvəron əcumlə hamsuyə kişvəron milliyə mənafe ehtırom noey, İron İslam Respublika prinsiponku qıləyni bə hisob omeydə
Əv təkidış karde ki: kali mıvcudə muşkilaton votımonon royku həl bəbe.
Çımiku bənav həm Azərbaycan Respublika prezident, İlham Əliyev votəş be ki de hamsuyəon əcumlə İron və Qurcıstoni rabitəon cərəyonədə dustanə iyən həmkoəti dəvom peydo bəkarde və məntəğədə çand tərəfiyə həmkoətion zəminə bə həmmə kişvəron mənafe əsos bəbe.
