İron və Azərbaycan Respublika miyono huğuği iyən məhkəmə əloğəon bə inkişof rosniye.

İroni ədliyə vəzir və Azərbaycan Respublika sərprokuror 2 qılə kişvəri huğuği iyən məhkəmə həmkoətion hevujəti barədə de yande vindemon və votımonışon kardə.

Bə İrna raporti əsos, zinə Tehronədə İroni ədliyə vəzir, Əmin Huseyn Rəhimi de Azərbaycan Respublika sərprokuror, Kamran Əliyevi vindemonış karde və bə 2 qılə kişvəri miyono bıə həmkarion torixi işorəş karde.

İroni ədliyə vəzir ijən bə Tehron Azərbaycan Respublika prezidenti vəoməy səfəri, 2 qılə kişvəri həmkoəti iyən rabitəon əlovə kardey nışonə zınəş be.

İroni ədliyə vəzir bəyonış karde ki hamsuyə kişvəron oroməti iyən əmniyyət bənə İroni əmniyyət və oroməti bə hisob omeydə və hamsuyə kişvəronədə muşkilaton iyən noəmnion, İron İslam Respublikaro həm vey niqəronəkə məsələy.

İroni ədliyə vəzir ijən narkotik maddon mubarizə royədə bə İroni təğdim kardə 4 həzo şəhid işorə və əlovəş karde: İron de dınyo vey yolə narkotik maddon istehsoləkəyon mıştərəkə marzışe iyən de ım vıcud ki həminə royədə veyə zərəl ziyanon vindəşe əmmo mubarizə bardey royədə ıştə həmmə cəhdon əncom dodə.

Azərbaycan Respublika sərprokuror həm İron və Azərbaycan Respublika rabitəon barzə səthiku ıştə rizoyəti elanış karde iyən bə 2 qılə kişvəri kanə həmkarion işorəş karde və votışe: 2 qılə kişvəri siyasi əloğəon barzə səth bois bıə ki co qılə baxşon həm əcumlə huğuği və məhkəmə mınosibəton həm 2 qılə kişvəri rabitəon inkişofi bois bıbu.

Miladi 2021 minnə sori Noyabrə manqi 28 minnə rujədə İşğabadədə EKO iclosi kənoədə, İron və Azərbaycan Respublika prezidenton vindemoniku bəpeşt, 2 qılə kişvəri rabitəon vey rə əlovə bey holədəy.

Jeopolotic həğiğəton iyən rabitə icodəkə amilon bənə hamsuyəti, məzhəbi və torixi mıştərik cəmiyət iyən iğtisodi və əmniyyəti mıştərəkə mənafe bois bəbe, ki 2tərəfi, məntəğə, həmkari iyən həmohənqi rabitəonədə, İron və Azərbaycan Respublika bənə 2 qılə hamsuyə kişvər bıbun ki məntəğədə əmniyyət və stabiləti və 2 qılə milləti mənafe cəhətədə, deyande nez iyən təsirinə həmohənqi və həmkoətişon bıbu.