Bokuədə İroni səfir bə beynəlxalğə marzon iyən qeopolitikə əvəz nıbey təkid.
Azərbaycan Respublikaədə İroni səfir bə beynəlxalğə marzon iyənqeopolitikə əvəz nıbey təkidış karde.
Bə Fars aqentiyəti raporti əsos, Azərbaycan Respublikaədə bıə İroni səfir, Sed Əbbas Musəvi ıştə Tvitterədə, Ğəfğaz məntəğə təhəvulaton və həminə cəhətədə İron İslam Respublika nəzə barədə nıvıştəşe: beynəlxalğ iyən məntəğə daveonədə həmişə, İron İslam Respublika nəzə iyən prinsip, izzət, hikmət, məsləhəti çərçivədə və bə həx, insof,ədolət iyən beynəlxalğə huğuğon əsosi ğoyme.
Bokuədə bıə İroni səfir əlovş karde: 30 sor çımiku bənav, şimoli hamsuyəon mıvzoədə İroni nəzə elan bıə iyən çand kərə de İslamiyə İnğilobi yolə rəhbər, İroni prezident, vəzir iyən xarıci vəzarətxonə sıxənəvot bəyon bıə ki İroni nəzə beynəlxalğə marzon iyən qeopolotikə əvəz nıbeye.
İron İslam Respublika çand kərə de məntəğə kişvəron marzonədə əcumlə İron və Ermənistoni marzədə de harcurnə əvəz beyro ıştə muxalifəti elanış kardə.
Miladi 2022 minnə sori İyolə manqədə, İron İslam Respublika prezident, Sed İbrahim Rəisi de Ermənistoni iminnə vəzir Nikol Paşiniyani votımonədə, votışəş be: məntəğə siyasi coqrafiyaədə hiç curnə əvəz bey, İroni səmtiku ğəbul kardənin ni.
Çımiku bənav həm və de rəsmi surətədə, Erməniston marzonədə və de harcurnə əvəz beyro, İron ıştə muxalifəti elanış kardə be və həminə məsələ barədə de oşko surətədə, bə Azərbaycan Respublika muhimmə İ bey və Tırkiyə prezident, Rəcəb Təyyeb Ərdoğan nota doəş be.
Həmçınin dəvardə manqonədə İroni İslamiyə İnğilobi Yolə Rəbər, Həzrəte Ayətullah Xamenei, Rəcəb Təyyeb Ərdoğani vindemonədə, hamiyəş be: əqə İron və Ermənistoni marzi dəbasteyro, qıləy siyasət mucud bıbu, Tehron dəy muxalif bəbe, boçiki ım marz qıləy çand həzo sornə rabitə roy bə hisob omeydə.
