Azərbaycan Respublikaədə Ərbəyine Huseyn(ə)-i əzodorəti.
De Ərbəyine Huseyn(ə)-i həmzəmon, Azərbaycan Respublika şiəyon məçitonədə deştə iştiroki vositə, İmom Huseyn(ə) iyən Kərbəlo şəhidon matəmədə əzodorəti kardışone.
Zinə şanbə Hicri Ğəməri 1444 minnə sori səfərə manqi 20 (2022 minnə sori sentiyabri 17 dınyo şiəyon 3 minnə imom Həzrət imom Huseyn(ə) və Həzrəti bəfodorə əshabi şəhodəti Ərbəin Kərbəlo səhraədəy.
Bə Bokuku Tele Rədio aqentiyəti raporti əsos, Azərbaycan Respublika paytəxt, Boku və ım kişvəri co qılə şəhronədə, Əhle Beyt(ə)-i tərəfdaron, məçiton, huseyniyəonədə deştə hərorətinə iştiroki vositə, İmom Huseyn(ə) və çəy bəfodorə əshabon şəhodəti matəmədə bəştə sə iyən sinə jeydən.
Im raport əlovəş karde: Azərbaycan Respublikaədə Ərbəine Huseyn(ə)-i şemoniku məndə bıə kəson, məzhəbi vırəonədə deştə əzodorəti vossitə bə Aşura ğiyomi roy dəvomi təkidışon kardə.
Həmmə dınyoədə əcumlə İron İslam Respublikaku çandə milyon zair ım rujədə Ərbəine Huseyni(ə) mərosimədə iştirak kardeyro bə İraği cənub Kərbəlo şəhr daxil bedən, və ıştə irodət bə şəhidon yolon və çəy bəfodorə əshabon nışoşon do.
