İron iyən Rusiyə miyono ticorət bə 4 milyard dollar rəsə.
İroni islami şura parlamenti milli əmniyət iyən xarıci siyosəti rəis İron iyən Rusiyə miyono ticorəti miğdori bə 4 milyard dollar rəseyku xəbəş do.
Bə İRİB raporti əsos, İroni islami şura parlamenti xarıci siyosət iyən milli əmniyət kamissiya yol Vəhid Cəlolzodə ki kollektiv əmniyət təşkiloti parlament yolon iclosədə iştirokiro bə rusiyə səfərış kardede İroni səforətxonə koəkəyon iyən ın onemoni uzv bıə kiçvəron parlamenton yolon vindemonədə 2 qılə kişvəri iğtisodi, mədəni iyən siyosi əloğəon barədə sıhbıt iyən muzakirəş karde.
İroni islami şura parlamenti milli əmniyət iyən xarıci siyosəti rəis İron iyən Rusiyə miyono ticorəti miğdori bə 4 milyard dollar rəseyku xəbəş do iyən bə mıvcudə zərfiyəton vucudi təkidış karde ki iğtisodi inkişofiro çəvonku istifodə kardey bəbe.
Cəlolzodə həminə səfərədə kollektiv əmniyət təşkiloti iclosədə sıhbət bəkarde iyən de iclosi iştirok kardə kəson və kişvəron rəsmi şəxson vindemon iyən muzakirə bəkarde.
Əv de Rusiyə Duma, Fedrasiya şura, iyən 2 qılə kişvəri parlament dustiyəti kamissiya rəsmi şəxson həm vindemon oyən muzakirə bəkarde.
