Rəyisi: Tehron-Moskva miyono əloğəon bə inkişof və zumandəti tərəf hərəkət kardedə.

İroni prezident de Rusiyə domay rəyisi vindemonədə bə Tehron-Moskva miyono əloğəon çokə səth və şəroyeti işorəş karde iyən votışe: 2 qılə kişvəri miyono bıə zərfiyətonku istifodə karde hokmən reqional mənafe cəhətədə bəbe.

Huccətul İslom Seyd İbreym Rəyisi zinə Tehronədə de Viyaçeslav Valodin molağati cərəyonədə Tehron-Moskva miyono muxtəlifə enerji, ticorət, tranzit və nəğliyot baxşədə bıə cor bə corə əloğəonış çı həmkoətion inkişofi amil bə hisobış varde ki bə tojə mərhələon varid bey karde bəzne.

İroni prezident bə İron və Rusiyə miyono bıə təvafuğon komil surəti icro kardey zərrurəti işorə və təkidış karde: 2 qılə kişvəri zərfiyət karde bəzne yande komiləkə bıbu və çəvonku istifodə karde hokmən Tehron-Moskva reqional mənafe təminəkəy.

Viyaçeslav Valodin həm çı İroni prezidenti vindemoni əloğəon inkişofi cəhətədə zınəş be ki omə həmkoətion inkişofi amil bə hisob oməydə.

Əv votışe: Rusiyə 2tərəfi həm əloğəon inkişofiro bə İroni nəzəon həmohənq vindemonış heste və bə 2 qılə kişvəri yolon irodəon əsos həmkoəti hokmən bə inkişof bərobəre.