Cənubi Afrika, Rusiyə iyən Çini mıştərəkə manıvri bino bey
Cənubi Afrika sahilonədə, Cənubi Afrika, Rusiyə iyən Çini dıyo mıştərəkə manıvr bino bıə və tosə Milodi Fevrali 26 minnə ruj dəvom peydo bəkay.
Bə Rosiya Əlyəom televeziya kanali raporti əsos, vote bəbe ki ım manevri hədəfiku təcrubəon, dıyo məhorəton mıbodilə kardey iyən əmniyyəti bıhranon muğabilə kardeyədə, Cənubi Afrika, Rusiyə və Çini dıyo ğıvvon miyono həmkoətion zumand kardeye. ım manıvrədə, "Admiral Qorşkof" nomo bıə Rusiyə hərbi kəşti ki sədo bəpe bıə rəketon soybe iştirokış heste.
Həminə tojə rəketon rə, bə 10 həzo kilometr saətədə rəsedə və sədo surətiku 9 bərobər vey hərəkət kardedə. ım rəketon bə qıləy sistem təchiz hestin ki çəy vositə rəketon karde bəznen komil surətədə bə hədəf bırəsən və həminə məsəl bois bəbe ki çəvon təğib kardey ğeyri mumkin bıbu.
Rosiya Əlyəom de işorə bə ım manıvri bino bey əlovəş karde: ım baxşədə ım manıvr 2minnə manıvr bə hisob omeydə. Milodi 2019 minnə sorədə Cənubi Afriqa sahilonədə, jığo manıvri iminnə bərpo bıə be və ısətnə manıvr həm 10 ruj dəvom peydo bəkay.
Im manıvri bərnoməon, həvoi mudafiədə mıştərəkə əməliyaton icro bey, de dıyo dızdon mubarizə bardey və de təbii hodisəon muğabilə kardeyro hərbi ğıvvon təlim doey şomil bəbe
