Bə İron və Rusiyə həmkoətion mehkəm və inkişof doey Əmirəbdullahiyani təkid

İron İslom Respublika xarıci vəzir de Rusiyə fedrasiya xarıci vəizir muavini vindemonədə bə 2 qılə kişvəri həmkoətion mıhkəm və inkişof doey zərrurət təkidış kardə.

İron və Rusiyə 2tərəfi baxşonədə xususi iğtisodi, hərbi və əmniyyəti rabitəon və həmçınin məntəğə və beynəlxalğə məsələon barədə bənə de Amerkə unilateralizm muğabilə kardey stratejikə mənafe iştirokışon heste və dəvardə soronədə həminə məsələ 2tərəfə nezə həmkoətion vey muhimmə amilonku qıləyni bə hisob omeydə.

Bə İrna raporti əsos, Rusiyə fedrasiya xarıci vəizir muavin,Əleksander Qroşko ki bə İroni xarıci vəziri vindemoni və məşvərət kardey xoto bə Tehron səfərış kardə , zinə de Huseyn Əmirəbdullahiyan vindemonış kardə.

Im vindemonədə, Əmirəbdullahiyan 2 qılə kişvəri həmkoətion inkişofonku himoyətış kardə və bə ım həmkoətion diğğət kardey zərrurət təkidış kardə.

Əv de işorə bə məntəğə səthədə cari bıhranon, bə məntəğə həmkoətion zərrurət təkidış kardə və 3+3 (Rusiyə, Tırkiyə, İron+ 3 qılə Cənubi Ğəfğaz kişvəron) nomo bıə kişvəron xarıci vəziron iclosi bərpo beyro, İroni hozzoəti elanış kardə.