İron və Rusiyə elmi həmkoətion beynəlxalğə iclos

İron və Rusiyə vəoməy elmi həmkoətion beynəlxalğə iclos elmi, texniki və universiti baxşonədə 2 qılə kişvəri veyə həmkoəti və oşno bey hədəf, Tehronədə de İron və Rusiyə səfiron iştirok bərpo bıə.

2tərəfiyə hissonədə xususi iğtisodi, hərbi və əmniyyəti baxşonədə və həmçınin məntəğə və beynəlxalğə məsələon bənə de Amerkə unilateralizm moğabilə kardey barədə , İron və Rusiyə stratejikə mənafe iştırokışone, və oxonə soronədə ım amilon 2tərəfə nezə həmkoətion vey muhimmə amilonku be.

Bə İrna raporti əsos, İron və Rusiyə elmi həmkoətion vəoməy beynəlxalğə iclosədə İroni Əllame Təbatəbai universiti yol, Əbdullah Motəmedi ıştə umo nışoş do iyən votışe: ım iclosonədə , vey çokə elmi votımonon mıştərəkə fəaliyəton zəminəon və elmi və beynəlxalğə həmkoətion ruşinə ufuğon icod bəkay.

İroni Əllame Təbatəbai universiti yol ijən əlovəş karde: elmi və beynəlxalğə həmkoətion royədə, İroni universition miyono xususi Əllame Təbatəbai universiti iyən ğabeliyətoni ki Rusiyədə mucude, fəaliyəton binoəkə ufuğon vey ruşine.

Rusiyədə bıə İroni səfir Kazım Cəlali, İronədə bıə Rusiyə səfir, Əleksi Dedof, Rusiyə elmi həmkoətion təşkiloti muavin Pavel Şosf, Şəhid Beheşti universiti yol, Məhmud Rıza Ağamiri və İron və Risiyə elmi həmkoətion milli təşkiloti rəyis ım iclosədə iştirokışon be.