İron və Tırkiyə xarıci vəziron telefoniyə votımon

İron və Tırkiyə xarıci vəziron, telefoniyə votımonədə, 2 tərəfi vey muhimmə məsələon, məntəğə və beynəlxalğə məsələon barədə de yande votımonışon kardə.

Bə xarıci vəzorətxonə sıxənəvot koon iyən məlumatərosnə raporti əsos, Cımə rujədə İroni xaırci vəzir, Huseyn Əmirəbdullahiyan de Tırkiyə xarıci vəzir, Mulud Çavuş Oğlu votımonədə hamsuyəon və məntəğə kişvəron mısbətə rabitə, məntəğədə sulh və stabiləti inkişofin və beynəlxalğə baxşonədə veyə nezəti zəminəon icod kardey bəyonış kardə.

Tırkiyə xarıci vəzir həm diplomatiya rabitəon tojədən bino kardeyro, İron və Ərəbistoni təvafuğiku ıştə himoyə nışoş do iyən votışe: ım ko məntəğə məsələon həlliro islomi kişvəron miyono islom dınyo nezəti zumand kardey bois bəbe.

İron və Tırkiyə xarıci vəziron həmçınin məntəğə baxşədə bəzi mevzuon və rabitəon inkişofi prossesi barədəbə 2 qılə kişvəri cəhdon barədə sıhbətışon kardə.