Bə Nəvuzə İdi mınosibəti xoto, Bişkekədə məhəlli xorəkon nımoyeşqoh bərpo bey
Ğığizıstoni paytəxt, Bişkek dıvləti universitiədə Nəvuzə idi əyyomi dəme mınosibəti astanədə, muxtəlifə kişvəron məhəlli xorəkonku qıləy nımoyeşqoh bərpo bıə.
Bə Fars aqentiyəti zinə ruji raporti əsos, ım nımoyeşqohədə ki Bişkekədə və de İron İslom Respublika mədəni mışoviri təşəbbosi vositə bərpo bıə, Bişkeki dıvləti bəzi universiti mudiron, universiti tələbəon və mıəllimon de muxtəlifə kişvəronku milləton bə ico iştirokışon be.
Votey bəbe ki ım nımoyeşqohədə, kişvəron əcumlə İron, Ğırğizıston, Ozbəkiston, Azərbaycan Respublika və Çin xorəkoni bə nımoyeş noəşone.
Həmçınin ım mərosimədə, ım universiti farsi zıvoni ustad, Zoleyxa Səğəfi Zəncani 20 sornə cəhdonku ğədrdonəti bıə və bəy iftixorinə doktora təğdim bıə.
Milodi 2010 minnə sori Fevrali 23 minnə rujədə, qıləy ğətnomə cərəyonədə ki bə İron İslom Respublika və Nəvuzə İdi baxşonədə bıə çand qılə kişvəron təşəbbusi vositə, təklif bıə ki har sor Martə manqi 21 minnə ruj bənə Nəvuz beynəlxalğə ruj nom noə bıbu, və kişvəronku tələb bıə ki de muxtəlifə mərosimon bərpo bey vositə ım mınosibəti ğədrdonəti və rəvoc bıdən.
