Azərbaycan Respublika və Ermənistoni mıştərək marzonku Qeneral Pakpuri vindemon

İslomiyə İnğilobi Sepah Təşkiloti zəmini komandor, kişvəri şimol ğərb, İron de Azərbaycan Respublika və Ermənistoni mıştərəkə marzonədə, Aşura nomo bıə ğərorqoh məmuriyəti məntəğəku vindemonış kardə.

Bə Tele-Rədio aqentiyəti raporti əsos, İslomiyə İnğilobi Sepah Təşkiloti zəmini komandor, qeneral Muhəmməd Pakpur, Azərbaycan Respublika, İron və Ermənistoni mıştərəkə marzonədə Aşura ğərorqoh məmuriyəti məntəğədə iştirokış kardə və de marzi məntəğəonədə bıə islomi canqəkəyon və pasdaron votımonış kardə iyən çəvon mudafiə və canqi hozzoətion, aqahətion və muxtəlifə coqrafiya və ov həvo şəroyetədə, çəvon 24 saətə cəhdon və barzə rohiyəku ğədrdonətiş kardə.

Votey bəbe ki dəvardə rujonədə, Sepah zəmini ğıvvə komandir və çəy bə ico bıə heyət, İroni şimol şərği marzon və Taybad marziku vindemon və de Sepah zəmini ğıvvə canqəkəyon və sərhəddon vindemon və votımonış kardə be və nuyə sori dəme mınosibəti bə əvon təbrik votışe.

İron İslom Respublika həmişə bə 2tərəfi və beynəlxalğə marzon oqətey və bə co kişvəron hakımiyəti həx ehtırom noey və məntəğə siyasi coqrafiyaədə harcurnə əvəzon vəy qətey təkidış be və harcurnə hərəkət ki bois bəbe marzon təhdid bıbu nota doəşe.