Rusiyə və Tırkiyə prezdenton telefoniyə votımon

Rusiyə və Tırkiyə prezidenton Putin və Ərdoğan, telefoniyə votımonədə bə 2 qılə kişvəri miyono həmkoətion hevujəti təkidış karde.

Bə Tele-Rədio aqentiyəti raporti əsos, Tırkiyə və Rusiyə prezidenton telefoniyə votımonədə muxtəlifə mıvzoon barədə, əcumlə siyohə dıyoku taxıl ixracati təvafuğ kardey barədə de yande votımonışon kardə.

Veladimier Putin iyən Rəcəb Təyyeb Ərdoğan həmçınin Suriyə buməlarzə məntəğəon tojədən soxtey prosses, Rusiyəku bə Tırkiyə bina soxtey məteriyaon ixracati barədə, təvafuğışon kardə.

Rəcəb Təyyeb Ərdoğan ijən işorəş karde: de diğğət bə ım ki Putin təvafuğı kardə ki Tırkiyədə, Rusiyə qandım bə ord əvəz bey bəpeşt, bə ehtiyocinə kişvəron ixrac bəbe, ijən əlovəş karde: de Rusiyə prezidenti votımonədə, təvafuğ bıə ta ım kişvəri qandem de be pul surətədə, bə fəğırə kişvəron xususi Afrikə kişvəron ixrac bıbu.