Azərbaycan Respublika kişvərədə islamçiyon dəstqir karde həmçınan dəvomış heste.

Çandə islamçiyon Azərbaycan Respublika mısılmonon i bemon hərəkati sədr Hac Taleh Bağırzade təbrik peyğomi qıləy vəyə mərasimədə hande xoto dəstqir bən.

Bə Aran sayti raporti əsos Bukoədə qıləy dini vəyə mərasimədə vəyə zomo ijən çandə ıştirok əkəyon bə çəy xoto dəstqir bən ki həmonə vəyədə Hac Taleh Bağırzade təbrik peyğom handə bıə be.

Xəbə omə ki dəstqir bıə kəson bə Bandotdel bardəşone.

Im i minə kərə ni ki bə şiəyon zidd jıqonə hərəkəton əncom bıdə və Buko hukumət ıştə muxalifon dıləədə tars soxteyro ijən əvoni məsələn bə təcrid barədə xoto şəvədə bə dini və siyasi fəalon kəon hucum kardedən və əvoni dəstqir kardən.

Isət çandə jurnalist, siyasi fəalə şəxsiyəton və dindaron de be əsosə ittehamoni bənə siloh və nakotikamadon ğaçağ karde həbs bən, və hol ım ki ım məhbuson vəkilon həmməy bə məhkəmə prosesi siyasi və sifarışi bey təkidışone.

Azərbaycan Respublika hukumət qıləy holədə bəştə jıqonə siyasəton dəvom dodə ki çın kişvəri mısılmonə cəmiyətiku 85 fayiz şiəyonin və İroni Yolə Rəhbər tojədən ıştə bə İlham Əliyef tosiyə və sifarış karde sıxənonədə votışone ki de milləti dini və məzhəbi hison vasitə problemon vədə mande bəbe və lozime ki bə ım his ehtırom doə bıbu.