Əmirəbdullahiyan: atomiyə sazış, de Rusiyə muzakirəon mevzuonku bəbe
İroni xarıci vəzir votışe: de Rusiyə xarıci koon vəzir atomiyə sazışi barədə votımon bəkamon.
Bə İsna aqentiyəti raporti əsos, İroni xarıci vəzir, Huseyn Əmirəbdullahiyan ki bə Rusiyə səfərış kardə, Zinə şanqonə bə Moskva varid bey əvvələdə jurnaliston cəmədə əlovəş karde: İroni atomiyə muzakirəon bəy bə atomiyə sazışi məşhur bey həmçınan oje. və de Rusiyə xarıci vəzir, Serqey Lavrof votımononku qıləyni atomiyə sazış və bə 2tərəf bəştə təəhudaton oqardey mevzuon bəbe.
İroni xarıci vəzir həmçınin təsdiğış karde: İroni və 4+1 votımonon tojə dıvrədə ki çand manq Vyanaədə bə rpo bıə, Rusiyə vey muhimmə rolış be.
Bə Val Strit Jurnali sənədon əsos, ki iddioş kardə İroniku dron vığandey əvəzi İron Rusiyəku kontrol və kiberi təchizaton qəteydə, və həminə məsələ Amerkə niqəronion bois beydə, Əmirəbdullahiyan ım məsələ barədə votışe: be şək İron və Moskva mıştərəkə mudafiə həmkoətion əcumlə 2 qılə kişvəri siyasətonin, işorə bəbe ki İron və Rusiyə həmkoətion bə hiş qılə 2 tərəfi ələyh nibəbe.
İroni xarıci vəzir, İron və Rusiyə rabitəon barədə təsdiğış karde: muxtəlifə baxşonədə 2 qılə kişvəri rabitəon muxtəlifə dosiyəon əktiv bıə və 2 qılə kişvər və milləti mənafe cəhəto, həmkoəti həmmə baxşonədə 2 tərəfi rabitəon inkişofiku 2 qılə kişvər rizoyətışon heste.
