Moskvaədə İroni səfir: de Rusiyə rabitəon veyə inkişof, 2 qılə milləti veyə oşno bey qiədəy
Moskvaədə bıə İron İslom Respublika səfir təkidış kardə: de Rusiyə rabitəon veyə inkişof, 2 qılə milləti veyə oşno bey qiədəy.
İroni səfiri iftori mərosim de kali Rusiyə islomi alimon və dini yolon iştirok bərpo bıə.
Bə İsna raporti əsos, Rusiyədə İroni səfir, Kazım Cəlali İroni səforətxonə vırədə, Rusiyə kali mısılmonon məzhəbi alimon və moftion iftori mərosimiro mizbon be.
Im iclosədə Rusiyə mərkəzi moftion idorə yol, mofti Ənar Rəməzanev, Rusiyə Asiya baxşi mısılmonon dini idorə yoli muavin, Taştmirof Muhəmməd Kərim, Ayətullah Sistani nımoyəndə Huccətul İslom Moseli, Oral məntəğə dini idorə yol mofti Sido Fozi, Asiya baxşədə mısılmonə həloli departmani rəyis Əleksi qalif və islomi alimon, mədəni mərkəzi yol, Əli can Seracoldinof iştirokışon be.
Bə İsna raporti əsos, ım iclosədə Kazım Cəlali Rusiyədə mısılmonon ımrujnə oroməti, ım kişvəri sakin bıə islomi alimon xıdməton və cəhdon nəticə zınəşe və votışe: de diğğət bə 2 qılə kivşəri əmniyyəti və hərbi və siyasi rabitəon veyə səth, İron və Rusiyə mədəni və iğtisodi rabitəon veyə inkişof, 2 qılə milləti deyande veyə oşno beye qiədəy ki ım ko veyə məsuliyət bə dini alimon ohdəy.
Rusiyədə İroni səfir ıştə sıhbəton dəvomədə Ayətullah Sistani fətva dumoədə, bə DAEŞ-i terrorizson ələyh milləti bəsic və İraği vəziyət işorəş kardə və məzhəbi mərcəiyəti rol vey muhim zınəş.
Rusiyə mərkəzi moftion idorə yol, Mofti Ənar Rəməzanev həm işorəş kardə ki İslomi Respublika vıcud, həmmə mısılmonon fəxrine və votışe: saxtə şəroyetədə Rusiyəku İroni milləti stratejikə himoyə, be şək Rusiyə milləti mıtəğabilə himoyə xususi İroni millət və İroni mısılmonon bois bəbe.
