Moskvaədə İron və Rusiyə vey çokə universition yolon iclos bərpo bey
Moskva Lomonosefi universitədə, İron və Rusiyə vey çokə universition yolon 6minnə iclos bərpo bəbe.
Bə universiti və elmi-təhğiği baxşonədə beynəlxalğə həmkoətion hevuj iyən nığıləti xoto, İron və Rusiyə vey çokə universition yolon iclos planon əncom bıə və Milodi 2015 minnə soriku Tehroni universitədə, ım iclosi sərkatib təsis bıə.
Bə Tehroni universiti umumiyə rabitəon raporti əsos, Milodi 2023 minnə sori Aprelə manqi 27 minnə rujədə Moskva Lomonosefi universitədə, İron və Rusiyə vey çokə universition yolon 6minnə iclos de Moskva Lomonosefi universiti yol, Doktor Viktor Sadvoniçi, Tehroni universiti yol, Doktor Seyd Muhəmməd Moğimi və kişvəri vey çokə universition yolon iclosi rəisi nıtğ bino bəbe.
Ğərore ki ım iclosədə İron və Rusiyə vey çokə universition miyono mədəni iyən təhğiği həmkoətion əcumlə təbii elmon və Kaspi baxşədə mıştərəkə həmkoətion iyən bərnoməon əncom bıbu.