Kənani Çafi: səçınədə Tırkiyə milləti veyə iştirok, demokratiya səbarzəti nışonəy

İroni xarıci vəzorətxonə sıxənəvot votışe: səçınədə Tırkiyə milləti veyə iştirok, demokratiya səbarzəti nışonəy.

Bə xarıci vəzorətxonə sıxənəvot və məlumatrosniyə idorə raporti əsos, Dışəmbə rujədə, İroni xarıci vəzorətxonə sıxənəvot, Nasır Kənani Çafi Tırkiyə səçın bərpo bey dumoədə əlovəş kardə: Tırkiyə parlament və prezidenti səçınədə ım kişvəri Azərbaycan Respublika milləti veyə iştirok və muvəffəğə bərpo bey, ım hamsuyə kişvərədə demokratiya səbarzəti nışonəy.

İroni xarıci vəzorətxonə sıxənəvot, bə Tırkiyə səçın bərpoəkəyon və siyosi partiya və rəhbəron təbrik votışe və ıştə umu nışoş do ki Tırkiyə millətiro vey çokə sərnıvışt icod bıbu.

Dəvardə rujədə de həmzəmon surət, Tırkiyə prezident və parlamenti səçın de ım kişvəri mislış nıbıə iştiroki bərpo bıə, jəqo ki prezidenti səçınədə, 88.84 faiz və parlamenti səçınədə həm 88 faiziku vey dovtələbon iştirokışon kardə.

Bə Tırkiyə parlamenti səçıni oxonə elani əsos, ədolət və inkişofi partiya(Ərdoğan) 266, Xəlği Respublika partiya(Ğeliçdor Oğlu) 168, havz və çəpi vəoməy partiya 62 , bə milli səmt bəşey hərəkəti partiya 51, çokə partiya 44, nuyə rifoh partiya 5 və koəkəyon partiya 4 qılə ım kişvəri parlamenti korsi bə ıştə ixtisos dodən.