Rusiyə 5 qılə şəhrədə farsi zıvoni təlimə dıvrə bərpo bey
Rusiyə 5 qılə şəhrədə, bə Rusiyə ətba farsi zıvoni təlim 15 minnə dıvrə bərpo bıə.
Rusiyə şimoli ostiya, Moskva, Oral, Kazan və Saratofədə, bə ım kişvəri ətba farsi zıvoni təlimi 15minnə dıvrə bərpo bıə ki bə İroni mədəni məşvərətəkə Məsud Əhmdvəndi votə əsos, 120 nəfəriku vey ım dəvrədə iştirokışon kardə.
Im mərosimədə ki Rusiyə universition farsi zıvoni kali ustadon iştirokışon be, farsi umutə kəson Rusiyədə İroni səfiriku ıştə dıvrə oxonə sertificıti dıvrəon qətışone.
Bə İrna raporti əsos, ım təlimiyə dıvrə oxonə ruji mərosimədə Moskvaədə bıə İron İslom Respublika səfir, Kazım Cəlali votışe: İron və Rusiyə rabitəon həmmə tərəfiyə inkişof bə 2 qılə milləti zıney zumandəti rabtış heste.
Cəlali bə İroni sivilizasiya, mədəniət və zıvoni meyl bıə kəsoni cəmədə iştirok beyku ıştə şo və rizoyəti nışoş do və əlovəş kardə: İron və Rusiyə bənə 2 qılə hamsuyə kişvər ki bə nav şey rabitə təcrubə kardedən bəpe yandeku veyə zıneşon bıbu və ım ko zıvon iyən mədəniəti royku bə vırə bərəse.
Rusiyədə İron İslom Respublika səforəti mədəni məşvərətəkə həm ıştə umu nışoş do ki de 2 qılə kişəvri ticori və iğtisodi rabitəon inkişof doey Rusiyə milləti miyono farsi zıvoni umuteyro meyl əlovə peydoş kardə və həminə cəhətədə mədəni və iğtisodi baxşon inkişof əlovə bıbu.
