Кoreya iminə oviji atom submarin

Koreya Xalğ Demokratik Respublika ıştə oviji atom submarin numoyiş kardəşe.

Ovqəte 8700 tonn bə iminə atom submarini şikilon Şimoli Koreya mətbuatədə pevolo kardə bə. Submarin bə de parametrin bə amerika oviji "Virjiniya" submarini oşedə. Keşfəri rəhbər Кim Çen Ini strateji rəketon idorəti bə submariniş diyə kardeədə bəyonış kardə ki, ım bo deşmeni vəy se ro vey vocibe və ın ko bə jimon dəvone barədə əy 2021minə sori partiya qırdemonədə ğeyd kardəş be. Koreya lider de nuə nunəkılə oviji siloh eçınon oşnə bə və donama de nuvə silohi təmin karde dəvom karde təsdığ kardəşe.Аtom oviji keşton vey barzətişon hıste: əvon de soron ji ovi mande bəznen, bəsə de ənənəvi submarinonsə rə və oşiş hərəkət kardən. Кim Çen Ini bəyonış kardə ki, hərbi-dıyo donama bə nuə format ovoştone eçın qətə bə.